ЭАЖММдин жаш окумуштуусу эл аралык конференцияда 1-даражадагы диплом менен сыйланды

2025-жылдын 19-февралында И.К. Ахунбаев атындагы Кыргыз мамлекеттик медициналык академиясында «Жугуштуу оорулардын актуалдуу проблемалары» аттуу эл аралык илимий-практикалык конференция болуп өттү. Иш-чаранын алкагында жаш илимпоздордун конкурсу болуп, анда Мира Сабирбековна Турсунбаева «Кош бойлуу аялдардын В вирустук гепатитинин фиброзунун лабораториялык предикторлору» аттуу темада изилдөөсүн сунуштады. Анын баяндамасы эксперттик калыстар тобу тарабынан жогору бааланып, 1-даражадагы дипломду жеңип алды.

Мира Сабирбековна Турсунбаеванын илимий иши жугуштуу оорулар тармагындагы адистердин олуттуу кызыгуусун жаратты.

Сизди татыктуу сыйлыгыңыз менен куттуктайбыз жана мындан аркы илимий жана кесиптик ишмердүүлүгүңүздө ийгиликтерди каалайбыз.