Дүйнөлүк балдар жугуштуу оорулары коомуна (WSPID 2025) катышуу

2025-жылдын 28-октябрынан 31-октябрына чейин Таиланддын Бангкок шаарында Дүйнөлүк балдар жугуштуу оорулары коому (WSPID) өттү. Ага дүйнө жүзүндөгү 1000ден ашык адистер — педиатрлар, жугуштуу оорулар боюнча адистер, эпидемиологдор, изилдөөчүлөр жана коомдук саламаттыкты сактоо боюнча эксперттер катышты.

Педиатрия кафедрасынын доцентинин милдетин аткаруучу, медицина илимдеринин кандидаты Майрам Кошукеева конгрессте Эл аралык Жогорку Медицина мектебинин атынан чыгып, иммунизация жаатындагы актуалдуу тема боюнча баяндама жасады.

Конгрессте заманбап педиатриядагы негизги маселелер, анын ичинде балдарды эмдөө жана камтуу, жугуштуу ооруларды башкаруунун заманбап протоколдору, антибиотиктерге сезгичтик жана туруктуулук, балдардагы респиратордук инфекциялардын жана менингиттин клиникалык жүрүшү жана педиатриялык практикадагы жугуштуу оорулардын инновациялык диагностикалык ыкмалары сунушталды жана талкууланды.

Илимий программа жогорку деңгээлде уюштурулган жана ар тараптуу болду: алдыңкы эксперттердин пленардык лекциялары, тематикалык симпозиумдар, оозеки жана постердик сессиялар тажрыйба алмашууну активдүү жүргүзүүгө жана эл аралык кесиптик кызматташтыкты бекемдөөгө өбөлгө түздү.

Майрам Кошукеева катышкандан кийин эл аралык деңгээлде таанылган сертификатка ээ болду. Конгресске катышуу анын кесиптик өнүгүүсүндөгү жана илимий байланыштарды кеңейтүүсүндөгү маанилүү кадам болуп, Кыргызстандагы педиатрия илиминин жана практикасынын андан ары өнүгүшүнө салым кошту.