Студенттер ЭАЖММге ар кайсы өлкөлөрдөн келишет, ар биринин өзүнчө маданияты, салттары жана жашоо образы бар. Администрациянын жана мугалимдердин негизги максаты – аларга жаңы чөйрөгө көнүүгө жардам берүү. Кээде турак жай ижарага алуу же кийим-кече менен азык-түлүктү кайдан сатып алса болору тууралуу жөнөкөй маалымат студенттерге кадимки жашоосун улантуу үчүн абдан маанилүү. Студенттер үчүн жатаканалар бар.

ЭАЖММтин жатаканалары жашоо жана идеялар менен билим алмашуу үчүн өзгөчө жай болуп саналат. Алар негизинен Индия жана Пакистандан келген студенттерге арналган. Жатаканалардын жанында улуттук тамактар жасала турган ашканалар бар. Мындан тышкары, ар бир жатакана ЭАЖММдин Индиядан, Пакистандан жана башка өлкөлөрдөн келген окутуучулар жана жетекчилери тарабынан көзөмөлдөнүп, студенттерге чет элдик чөйрөгө көнүү учурунда жардам берип, алардын физикалык жана психикалык саламаттыгын сактоого көмөктөшөт. ЭАЖММдин жатаканалары заманбап коопсуздук системалары менен жабдылган. Натыйжада, жатаканаларда жашаган студенттер өзүн ыңгайлуу, коопсуз жана эркин сезишет.

Биздин студенттер жыл сайын медициналык текшерүүдөн өтүп, мамлекеттик милдеттүү медициналык камсыздандыруу системасы боюнча квалификациялуу жардам алышат. Бул полис ар кандай акысыз кызматтарга жетүүнү кепилдейт:
• Камсыздандыруу системасы аркылуу студенттер адистердин консультацияларына, лабораториялык диагностикага жана рентгендик текшерүүлөргө кайрыла алышат.
• Жылдык медициналык текшерүү мамлекеттик клиникада өткөрүлүп, толугу менен камсыздандыруунун эсебинен жабылат.

Биз студенттерибиздин гармониялуу өнүгүшүн камсыз кылууга умтулабыз, ошондуктан турак жай жана медициналык жардам гана эмес, таланттарын көрсөтө турган социалдык, маданий жана спорттук иш-чараларды да сунуштайбыз. Алар үчүн атайын топтор түзүлгөн, «Sensation» музыкалык тобунун бий жана вокал сабактарына катышууга, крикет, футбол, волейбол жана шахмат боюнча спорт клубдарына кошулууга, ошондой эле «ЭАЖММдин Студенттик Кеңеши», «Tunduk» жана «Talents» көркөм өнөр клубу сыяктуу студенттик уюмдарга мүчө болууга мүмкүнчүлүк алышат.

«ЭАЖММдин Студенттик Кеңеши» университеттин администрациясында студенттердин негизги жана жалгыз өкүлү болуп саналат жана студенттик өз алдынча башкаруунун аткаруу органы болуп, ЭАЖММдин студенттери тарабынан шайланат. Студенттер кеңешинин негизги максаты – студенттердин укуктарын аныктоо жана коргоо, бүт студенттик коомчулуктун жыргалчылыгын камсыз кылуу, ЭАЖММдин жалпы башкаруусуна студенттердин катышуусун жеңилдетүү жана административдик, академиялык жана окуудан тышкаркы маселелерде студенттердин кызыкчылыгын коргоо.

Көз каранды эмес студенттик уюм «Түндүк» студенттерди бириктирүүнү, кызматташтыкты өнүктүрүүнү жана университеттер аралык кызматташууга колдоочу көмөкчү чөйрөнү түзүүнү максат кылат; бул аркылуу тажрыйба алмашууну илгерилетет, академиялык жана социалдык тармактарды кеңейтет, студенттердин лидерлик жана уюштуруучулук жөндөмдөрүн өнүктүрөт.

«Talents» көркөм өнөр клубу студенттердин чыгармачыл жөндөмдүүлүктөрүн комплекстүү өнүктүрүүгө жана университеттин маданий турмушуна алардын активдүү катышуусун камсыздоого багытталган; бул максатка концерттерди, көргөзмөлөрдү, фестивалдарды, театрдык оюндарды, мастер-класстарды, сынактарды жана социалдык демилгелерди уюштуруу. Клуб ошондой эле лидерлик сапаттарды, өзүнө болгон ишенимди, командада иштөө көндүмдөрүн жана чыгармачыл ой жүгүртүүнү өнүктүрүүгө өбөлгө түзөт.

Студенттик жашоонун ар түрдүүлүгү ЭАЖММ студенттерине билим алуу мүмкүнчүлүктөрүн кеңейтүү менен катар, жашоодо активдүү позиция карманууга, чыгармачыл жөндөмдөрүн өнүктүрүүгө, өзүн-өзү өркүндөтүүгө жана жашоонун бардык жандуу көрүнүштөрүн сезүүгө мүмкүнчүлүк берет. Администрация жана окутуучулар эл аралык студенттер мекенине кайтканда ЭАЖММдин маданий элчиси болуп кызмат кылышын камсыз кылуу үчүн бардык аракетин жумшайт.